Aasaan Kathin Hai
May 17, 2025
1 min read
aasan kathin hai,
aur kathin hai aasan ke choraahe par tike rehna
jaise bheed mein akela mehsus karna saral,
par akele mein akela rehna kathin
jaise kehte rehna saral,
aur kar dena kathin
jaise raat bhar jaagna saral,
aur chhup kar sona kathin
jaise kai baar zindagi choti lagti hai,
par usme shaam ka beetna kathin
jaise guru saral,
magar chela kathin
jaise dukh ka hona saral,
par dukh ka na hona kathin
jaise dusron se nafrat saral,
par apne saath rehna kathin
jaise prem mein doobkar marna saral,
par usme beh te rehna kathin
jaise aisa saara likhna saral,
par ise jeena,
bohot kathin.
